《UP》

注意①: 下文含故事內容
注意②: 未睇又打算睇的話，請準時入埸。

PIXAR嘛，好似從未失望過，每次都會帶著少少感激之情進埸，真正體驗迪士尼奇妙旅程。今次《UP》走煽情路線，計啱數的，好睇。入正題10分鐘，就能交代晒故事背景，還能叫觀眾投入感動流淚。

另外，覺得真係有膽色。2位主角嘛，由預告到入埸到睇完都覺得完全不是討好的角色，黑暗面嘅自己仲覺得有點討厭。不過呢，又似係總有一個係左近。出玩具的話應該唔會點賣得，不過市道麻麻，電影收得就好了。故事結構簡單帶點真實(現實)。間屋起飛時，令我諗起《哈爾移動城堡》。(視覺上)最好睇呢，係啲氣球，聽聞花了很多時間製作。

完埸時，記得『老婆』的笑容、還有色彩繽紛的氣球。人生如是嘛，離埸時能帶走一些好回憶，就很好。