假後第一天上班，老師問我假期去咗邊玩? 我邊度都無去，就睇咗幾套戲。
在家中看過《親密》VCD，電影上影時海報用的劇照實在引來無限遐想，兩位主角是要接吻了嗎? (在家中)開場無耐，家母已在問，佢兩個(2位主角)有路呀? 都話女人的直覺厲害，他兩什麼都無發生，而發問者亦只睇咗一兩幕，點先為之有路先?!
故事埸境大都發生在私家車內，空間很少，但風光無限。助手席這個位置又實在太有趣，好像任何人也可以上坐，但有心的人在座，又唔同講法。當自己喜歡的人在駕駛，自己坐在助手席，無論兩人關係如果，哪一刻的感覺都一定很好，就算想發生的未發生/已發生/不會發生，能在屬於兩人的空間並肩而座，總希望車開得慢一點，路遠一點，時間漫長一點。
講返『有路』，家母今次用字精景，『有路』個範疇都好廣，有曖昧又係有路，One night stand又可以係有路喎。電影由頭到尾(由尾到頭?)兩位都無拖手無接吻無上床，但又不是什麼都無發生。好廢話嗎? 有時朋友問，如果另一半會出軌，你希望是精神上還是肉體上. . .
沒有留言:
張貼留言