開頭睇極都唔明點解以「碳酸」作賣點，跟日本賣點不同，可能因為溫泉關係，「碳酸」在當地已深入民心，不用再加以刻意說明，這支泡泡就簡單直接叫Massage Foam。香港人如我，溫泉有什麼種類也不太清楚，碳酸更"R"晒頭，碳酸令我想起的有碳酸飲料(即汽水)，又關美肌咩事呢? 香港Sofina網頁內都有註明其實就是二氧化碳(噴射劑)。上網查一查，實在後知後覺，簡單來說，「碳酸」有助血管擴張血液循環，血液循環良好的話，新陳代謝都好啲咁。何以部份溫泉話有美肌作用，都因為二氧化碳作祟。
回到Sofina這支泡泡，質地似打得好滑的慕斯，比以前用過的其他泡沫感覺更實在更濃厚。用法是早上第一件事牙都唔好擦住就敷上面，一分鐘後按摩再沖洗。用咗兩星期，當中有幾天生理期，但效果不錯。膚質有改善，摸落比之前有彈性同滑溜(不過毛孔依然大...)。全部功勞都屬這泡沫嗎? 未肯定，因期間轉用了粉底及做了一次treatment。如果兩星期後沒有回落的話，可考慮繼續用喎!!! HKD260/170ml (都幾貴)
沒有留言:
張貼留言