Hea出個未來

和朋友廢"Up"時，說我要開班，Course名叫『如何Hea出個未來』。『如何』這兩隻字是必須的，就如『如何三天內輕鬆減掉八十磅』，睇落會覺得較有學術性。

話說今天跟朋友在MSN對話時，說我有鼓勵另一位失業的朋友。還說當自己放緊Long Vacation，今日當大家坐在辦公室時，我去左游水!!! 連我都覺得自己好正面，而且我的生活都唔係咁Hea呀。呢個星期我還開始拎返起支筆，畫畫Sketch。

難得有空閑，當然要好好用這些時間，做自己喜愛做的事。例如:

‧睇戲
慳錢的方法，可以去睇早埸。再慳錢一點的方法，家中總有VCD/DVD未開、睇左一半、睇左開頭/中間/結尾吧，拎返出來睇囉。

‧睇書
家中有書未睇吧，去圖書館也是一個很好的選擇，大熱天時又有冷氣，而且圖書館好有書卷味呀。唔覺意可能會遇到氣質少男/少女(諗下都開心!)。

‧游水
對...自25度以後我就不去跑步了，好熱呀大佬。所以我去游水!!!

‧進修
去工聯會搵D唔知咩學下，幾百蚊唧!!!

‧打機/上網
如果堅持要坐在電腦、遊戲機前過日子，也是非常OK的，大前提是要覺得開心同唔好咁頹。

※今晚12點幾電視有《浮花》睇，正!!!